Xəbər xətti
Yazarlar





Rublika
Arxiv
«    Avqust 2022    »
BeÇaÇCaCŞB
1234567
891011121314
15161718192021
22232425262728
293031 
Sorğu

"Məsələləri Anar özü həll etmir, siyahını hazırlayıb qol çəkdirirlər" - Süleyman Hüseynov

Baxılıb: 4172     Tarix: 19-07-2022 16:53   

                                       Süleyman Hüseynov
                                        AYB-nin üzvü

Son günlər Şuşada keçirilən Vaqif günləri ətrafında söz-söhbətlər səngimir. Düzü, bu söhbətlərə qarışmaq istəmirdim. Bu halların cəmiyyətimizdə təbii hal olmasına  öyrəşmişik. 
Hər yerdə olduğu kimi, ədəbiyyatda da tanışlıq, haqsızlıq, yerlibazlıq uzun illərdir davam edir. Ona görə susurdum. Lakin bu məsələ ətrafında tənqidlər təhqirə keçəndə dözmədim. Xüsusən, bəzi yaşlı, orta və cavan yazarlar etikadan kənar danışanda mənə də toxunur. İlk növbədə bildirirəm ki, Şuşa tədbirində heç kim mənim yerimi tutmayıb. Baxmayaraq ki, hamı kimi mənim də bu tədbirə qatılmağa haqqım çatır. Yaradıcılığımda, əsasən də 1990-cı ildən bəri vətənpərvərlik mövzusu əsas mövzudur. O cümlədən, Qarabağ savaşına həsr olunmuş "And" kimi romanı ortaya qoymuşam. Lakin səhhətimlə bağlı mənim bu tədbirə qatılmaq imkanım yoxdur və siyahıda adım olsaydı da bu səfərə gedə bilməyəcəkdim. Ömür vəfa etsə, bir gün Şuşanı, azad Qarabağı özüm ziyarət edərəm. İndisə bu səfərlə bağlı bəzi fikirlərimi bölüşməklə kifayətlənirəm.
Əvvəla, bu məsələdə yazarların, xüsusən şairlərin partiyalılıq prinsipini əsas götürülməyini düzgün saymıram. Bu Vətən hamının vətənidir. Müharibə zamanı heç kəs soruşmurdu kim hansı partiyanın üzvüdür. Yazar azad düşüncəyə malik olmalıdır, mədhiyyə yazmamalıdır. Məddahlıq ədəbiyyat deyil. Sözsüz burda bir hədd olmalıdır-dövlətçiliyə qarşı çıxmaq qəti yol verilməzdir!
İkincisi- kim necə gedib, hansı yolla gedib, keçdi getdi. Yaxşı, bəs Şuşada yemək-içmək məclisində oturub, şəkil çəkdirib və fəxrlə yazmaq ki, "məclisimizin başında Anar müəllim oturub" nə deməkdir?! Yeyib-içməyə başınıza yer qəhətdir?! Şəhidlərimizin, qazilərimizin qan izi o torpaqda hələ silinməyib. Siz o müqəddəs dediyimiz torpağa tədbirə (özü də dövlət səviyyəli tədbirə) getmişdiniz, ya da yeyib içməyə?! Bir tərəfdən şəhidlər haqqında kitab çap etdirirsən, digər tərəfdən vətən övladlarının qanı tökülən yerdə yeyib-içirsiniz. Bunu necə başa düşək?! Mənim fikrimcə, ümumiyyətlə yemək-içmək məclislərini sosial şəbəkədə paylaşmaq etikadan kənardır.
Üçüncüsü- Sayman Aruz yazar dostuna yazırsa "qardaş, narahat olma, gələn dəfə sənin də adını siyahıya  yazdıracağam", bu nə deməkdir?! Saymana bu səlahiyyəti kim verib?! Bəlkə Anarın səlahiyyətlərini ona veriblər?!
Təkcə bu iki fakt sübut edir ki, Anar bu məsələləri özü həll etmir. Sadəcə, hazır siyahını kimlərsə Anara qol çəkdirirlər.
Anar sözsuz ki, böyük şəxsiyyətdir. Tarixə düşüb. Ölkəmiz, ədəbiyyatımız üçün çox işlər görüb. Lakin həyatın əvvəli və sonu var. Eləcə də Anar üçün. İstəsə də, istəməsə də qəbul etməlidir ki, bu günkü günlə ayaqlaşa bilmir. Yaş işini görür. Mütləq deyil ki, ömrünü elə kresloda başa vursun. Müdrik o rəhbərdir ki, vaxtında kreslodan əl çəkə və rəhbərliyi elə özünün yetişdirdiyi cavan və orta yaşlı kadrlara verə. Özü isə AYB - nin fəxri sədri kimi qala. Bu, şəxsi fikrimdir və mənə elə gəlir ki, bu fikirlə çoxu, o cümlədən Anarın özü də razılaşar.
Sonda sözüm qələm yoldaşlarımadır. Heç kəs demir Şuşada deyib- gülməyin,sevinməyin,şəkillər paylaşmayın. Əksinə, Şuşanı addım-addım gəzin, ilham alın, yeni əsərlərə mövzular axtarın, oxuyun, çalıb - oynayın, rəqs edin. Lakin hər şey yerində və qədərində gözəldir!


Sumqayitfakt.Az


Xəbərə şərh yaz
Adınız:*
E-Mail:*
Şərhiniz:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Sual:*
Saytımızın adının ilk hərfini yazın
Cavabınız:*
Kodu yazın: *
yenilə, əgər kod görünmürsə
loading...
Reklam
Əsas xəbərlər