Xəbər xətti

Yazarlar





Rublika
Arxiv
«    Oktyabr 2018    »
BeÇaÇCaCŞB
1234567
891011121314
15161718192021
22232425262728
293031 
Sorğu

Yaqub Zurufçu - Üzeyir Hacıbəyli irsinin sadiq, yorulmaz təbliğatçısı

Baxılıb: 266     Tarix: 19-09-2018 14:24   
Yaqub Zurufçu - Üzeyir Hacıbəyli irsinin sadiq, yorulmaz təbliğatçısı


Dahi bəstəkarımız Üzeyir Hacıbəylinin məşhur romanslarını, "Koroğlu", "Arşın mal alan" operalarından ariyaları, Fikrət Əmirovun, Tofiq Quliyevin məşhur musiqi əsərlərini Latın Amerikasında və digər xarici ölkələrdə korifey sənətkarlarımız Bülbüldən, Rəşid Behbudovdan, Müslim Maqomayevdən sonra kimlər oxuyub, kimlər Azərbaycanı tanıdıb, sevdirib?

Üzeyir bəyin sentyabrın 18-də xalqımız tərəfindən qeyd edilən Ad günündə bu sual məni maraqlandırdığından internetdə axtarış və araşdırma aparmalı oldum. Məlum oldu ki, Azərbaycanın milli musiqi mədəniyyətinin, opera sənətinin banisi Üzeyir Hacıbəylinin əsərlərinin son 20-25 il ərzində əsas təbliğatçısı dünya şöhrətli sənətkarımız, bizləri "Ayrılıq"la birliyə səsləyən Yaqub Zurufçu olub.

Təəssüflə qeyd etməliyəm ki, araşdırma zamanı aydın oldu ki, dünya musiqi xəzinəsinə ölməz əsərlər bəxş etmiş Üzeyir bəyin adı dünya bəstəkarları ensiklopediyasına salınmamışdır (orda Azərbaycan bəstəkarlarından yalnız Qara Qarayevin adına rast gəlinir, ermənilərin isə 15-ə qədər bəstəkarının adları sadalanır). Belə olduğu halda bir daha əmin olursan ki, bəstəkarlarımızın və onların əsərlərinin, ilk növbədə isə milli opera sənətimizin banisi Üzeyir Hacıbəylinin dünyanın hər bir yerində və hər zaman təbliğinə ehtiyac var. Bu baxımdan Yaqub Zurufçunun ardıcıl olaraq Üzeyir Hacıbəyli yaradıcılığına müraciət etməsi, Azərbaycanda və xarici ölkələrdə onun ölməz əsərlərini böyük sevgi ilə, yüksək sənətkarlıqla tamaşaçılara, musiqisevərlərə çatdırması rəğbət doğurmaya bilməz.

İnternet araşdırmamdan məlum oldu ki, Amerikanın məşhur "Xdot25" şirkəti Yaqub Zurufçunun həmin məşhur əsərləri daxil etdiyi diskləri (əvvəl Simfonik orkestrlə, sonra -. Xalq Çalğı alətləri orkestri ilə) ilk dəfə olaraq 1997-ci ildə yüksək tirajla çap etdikdən sonra geniş populyarlıq qazandığından, həmin mahnı albomlarını 2005-ci ildə yenidən, təkrar çap etməli olmuşdu. Həmin dövrdə dünyaca məşhur "Amazon" və "Blask Buster" satış şəbəkələri Yaqub Zurufçunun albomlarını Üzeyir bəy dühasına böyük ehtiramla amerikalı musiqisevərlərə təqdim etmişdi. Sonralar həmin məşhur əsərlər həm ABŞ-ın, həm də Avropa ölkələrinin populyar saytlarında yayılaraq, Üzeyir bəyin ölməz musiqisinin daha geniş auditoriyalarda, sevilərək və böyük uğurla səslənməsinə səbəb olmuşdu.

Üç il əvvəl - 2015-ci ildə Yaqub Zurufçunun dahi bəstəkarın 130 illiyi ilə bağlı onun əsərlərindən ibarət xüsusi olaraq hazırladığı və o böyük şəxsiyyətin ev-muzeyində təqdimatı keçirilmiş mahnı diski də görkəmli müğənninin böyük sənətkara olan sonsuz məhəbbətinin danılmaz ifadəsi, təsdiqidir.

Rəhman ORXAN.





Xəbərə şərh yaz
Adınız:*
E-Mail:*
Şərhiniz:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Sual:*
Saytımızın adının ilk hərfini yazın
Cavabınız:*
Kodu yazın: *
yenilə, əgər kod görünmürsə
loading...
Reklam
Əsas xəbərlər