Xəbər xətti

Yazarlar





Rublika
Arxiv
«    Sentyabr 2018    »
BeÇaÇCaCŞB
 12
3456789
10111213141516
17181920212223
24252627282930
Ən çox oxunanlar
Sorğu

Abutalıbov və oğlu ilə bağlı ilginc iddialar - “Arxın suyu” hardan gəlir?

Baxılıb: 3213     Tarix: 30-05-2018 10:59   
Abutalıbov və oğlu ilə bağlı ilginc iddialar - “Arxın suyu” hardan gəlir?


Sabiq mer hər gün Bakı meriyasına niyə gəlir? Bir vaxtlar Suriyaya getdiyi deyilən İsrafil Abutalıbov Biləcəridə restoran açıb.

Bakı Şəhər İcra Hakimiyyətinin (BŞİH) keçmiş başçısı, baş nazirin müavini Hacıbala Abutalıbov yenidən medianın gündəmindədir, bu dəfə həm də oğlu ilə... H.Abutalıbovun özü ilə bağlı ilginc xəbər budur ki, Abutalıbov işdən çıxarıldığı Bakı meriyasından ayrıla bilmir. Belə ki, H.Abutalıbov hər gün köhnə işinə baş çəkir. "O, günün ilk yarısını Nazirlər Kabinetində, ikinci yarısını isə Bakı Şəhər İcra Hakimiyyətində keçirir” deyə, criminal.az saytı fotolu xəbər verib.

Bir aydan artıqdır prezident İlham Əliyev sərəncamı ilə Abutalıbov icra başçısı vəzifəsindən azad edilib. O, aprelin 21-də baş nazirin işdən çıxarılan müavini Abid Şərifovun yerinə təyinat alıb. Yeri gəlmişkən, Abutalıbov 2000-ci ilin yanvar ayından 2001-ci ilin yanvar ayına qədər də baş nazirinin müavini vəzifəsində çalışıb. Onun mer təyinatından sonra bu postu A.Şərifov tutub. Yəni prinsipcə, Abutalıbov köhnə iş yerinə və görəvinə qayıdıb.

H.Abutalıbovun boş qalmış vəzifəsinə isə müxtəlif şəxslərin adı çəkilsə də, hələlik təyinat yoxdur. Mümkündür ki, Abutalıbov həqiqətən də müəyyən müddət BŞİH-də bəzi işlərin gedişatına nəzarət etsin. Çünki hazırda BŞİH rəhbərliyində başçı və birinci müavin vəzifələri boşdur. Hazırda BŞİH-də yeganə müavin olan Fidumə Hüseynova başçının səlahiyyətlərini icra edir.

Abutalıbovun oğlu ilə xəbər də diqqətçəkəndir. İddia olunur ki, baş nazir müavininin oğlu İsrafil Abdutalıbov Biləcəri qəsəbəsində yeni restoran açıb. Adı "Ətirşah” olan restoranda müştərilərə spirtli içki, qəlyan çəkmək və söyüş söymək qadağan edilib.

Bir müddət əvvəl mətbuatda İsrafil Abutalıbovun İstanbulun Sultanahmet məhəlləsində dəyəri 20 milyon dollara olan hotel alması xəbəri yayılmışdı. "Ajwa” adı ilə fəaliyyət göstərən hoteldə Azərbaycan mətbəxini təklif edən ayrıca restoran da fəaliyyət göstərir. Turizmgazatesi.com-un yazdığına görə, oğul Abutalıbov "Ajwa” markası ilə ikinci hotelini də Kapadokyada açacaq.



İsrafil Abutalıbovun adı illərdir ki, mətbuatın gündəmindən düşmür. 2006-cı ildə qəzetlər İsrafil Abutalıbovun öz bahalı avtomobilində İstiqlaliyyət küçəsindəki elit dükanların birinə girərək qəzəbli halda oradan biri 2 min dollar olan qadın paltarı aldığını, həmin paltarla maşınının şüşələrini və təkərlərini silib nümayişkaranə şəkildə cırdığını və zibil qutusuna atdığını yazırdı. Səbəb də o imiş ki, İsrafil bəyin rəfiqəsi o dükandan həmin paltarı almaq istəyib. Amma satıcılar ona paltarı əyninə geyib yoxlamağa icazə verməyib. Qız bundan qəzəblənərək İsrafil bəyə məlumat verib (gununsesi.info)

"Sonralar isə belə xəbərlər vardı ki, İsrafil Abutalıbov vəhhabilər kimi uzun saqqal saxlayır, onlar kimi şalvarının balağını gödəldib. Valideynləri bundan təəccüblənsə və gözləmədikləri belə yeniliyə etiraz etsə də, o, heç kimə və heç nəyə məhəl qoymadan düşüncəsindən dönməmişdi. Evə qapılaraq gündə 5 rükət namazını qılır, vaxtını yalnız dini ədəbiyyat oxumaqla keçirirdi. Əvvəlki pompeyvari həyat tərzini dəyişən gənc Abutalıbov evdə valideynləri ilə tez-tez uzun-uzadı söhbət və mübahisələr edir, onu başa düşmələrini istəyir, yaxınlarının da ”Allah yoluna gəlməsini" tələb edirdi" deyə, xəbərdə bildirilir.

Onun hətta Əsəd rejiminə qarşı vuruşmaq üçün Suriyaya getməsi haqda iddialar vardı. H.Abutalıbov isə bu iddialardan danışarkən "bu xəbərlər tamamilə yalandır. Deyilənlər cəfəngiyyatdır. Belə bir şey ola bilməz” demişdi.

Qeyd edək ki, 2013-cü ildə, noyabrda BŞİH başçısı Hacıbala Abutalıbovun paytaxtın mərkəzində istifadəyə verilmiş və dövlət vəsaiti hesabına inşa edilmiş nəhəng yeraltı avtomobil dayanacağını İsrafil Abutalıbovun "Müstəqil Spektr” adlı şirkətinə verdiyi də uzun-uzadı mediada müzakirə olundu. Həmin vaxt bildirilirdi ki, Hökumət Evinin qarşısında, Azadlıq meydanının altında inşa edilən 2 min yerlik avtomobil dayanacağı merin oğlunun şirkətinin adına rəsmiləşdirilib. Amma "Müstəqil Spektr” MMC yayılmış məlumatları təkzib etdi. Bakı Şəhər İcra Hakimiyyəti isə bəyan etdi ki, dayanacağın tabeliyində olan Xüsusi Təyinatlı Avtonəqliyyat müəssisəsi tərəfindən idarə olunur.(musavat.com)

Sumqayitfakt.Az


Xəbərə şərh yaz
Adınız:*
E-Mail:*
Şərhiniz:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Sual:*
Saytımızın adının ilk hərfini yazın
Cavabınız:*
Kodu yazın: *
yenilə, əgər kod görünmürsə
loading...
Reklam
Əsas xəbərlər