Xəbər xətti
Yazarlar





Rublika
Arxiv
«    Oktyabr 2019    »
BeÇaÇCaCŞB
 123456
78910111213
14151617181920
21222324252627
28293031 
Ən çox oxunanlar
Sorğu

Avtomobilimizdə yanacağa necə qənaət edək?

Baxılıb: 3100     Tarix: 18-09-2019 11:30   
Avtomobilimizdə yanacağa necə qənaət edək?


Bir çox sürücülər avtomobillərində yanacaq sərfiyyatından şikayətlənirlər. Onların bəziləri bunu yanacağın keyfiyyəti ilə əlaqələndirirlər. Əslində, avtomobilin yanacaq sərfiyyatının çox olmasının bir çox səbəbləri ola bilər.

Sumqayitfakt.Az oxu.az-a istinadən avtomobildə yanacağa qənaətdə sınanmış bir neçə üsulu təqdim edir:

Magistral yollarda hərəkətdə olarkən sürət həddini qaldırmaq yanacaq sərfiyyatına ciddi təsir edən birinci səbəbdir. Misal üçün, “VAZ 2105” markalı avtomobillə 100 kilometrlik məsafəni 80 km/saat sürətlə getsə, 7 litr, 110 km/saat sürətlə hərəkət etsə, 11 litr yanacaq sərf edəcək.

Avtomobilinizi kölgədə park etməyiniz məsləhətdir. Günəş şüaları yanacaq sərfiyyatını artıran səbəblərdəndir. Günəş altında saxlanılan avtomobilin yanacağı istidən buxarlana bilər.

Yanacaqdoldurma məntəqələrinə gecələr getməyiniz daha yaxşıdır. Bu, yanacağa qənaətə imkan verəcək. Təcrübəli sürücülər gecələr və ya sübh tezdən avtomobillərinə yanacaq doldururlar. Yanacağın sıxlığı temperaturdan asılıdır. Temperatur nə qədər yüksək olsa, avtomobil çəninə bir o qədər az yanacaq daxil olacaq.

Avtomobillərin şinlərinin yerlərini və filtrlərini vaxtında dəyişməyiniz məsləhətdir. Şinlər avtomobilin yanacaq sərfiyyatına təsir edən amillərdəndir. Belə ki, şinlərdəki hava sıxlığı az olduqda avtomobil daha çox benzin sərf edir.

Sedan avtomobillərin şinlərindəm hava sıxlığı yayda 1,2-2, qışda isə 2-2,2 atmosfer olmalıdır. Bundan başqa, avtomobil uzun müddət hərəkətdə olan zaman şinin kənar hissələri tez yeyilir. Bunun nəticəsində avtomobildə tarazlıq pozulur.

Buna görə də şinlərin vaxtında yerini dəyişmək məsləhətdir. Şinlərin avtomobilin normalarında göstərildiyi ölçüdə seçilməsi də vacibdir. Böyük ölçülü şinlər avtomobildə yanacağın qənaətinə imkan vermir. Filtrlər də düzgün işləmədikdə yanacaq sərfiyyatı kifayət qədər çoxalır.

Avtomobillərinə hissələr alarkən diqqətli olmaq vacibdir. Daha çox orijinal ehtiyat hissələrindən istifadə olunmalıdır. Bu, yanacaq sərfiyyatına kifayət qədər təsir edir. Saxta ehtiyat hissələri tez sıradan çıxdığı üçün onlardan istifadədə ehtiyatlı olmaq lazımdır. Bununla yanaşı, avtomobillərin müəyyən vaxtdan bir texniki baxışdan keçirilməsi önəmlidir.

Avtomobilin çəkisi, kondisoner, işıqlarla yanaşı, sürətlə idarə edərkən maşınınızın pəncərəsinin açıq olması da benzin sərfiyyatına təsir edir. Açıq pəncərədən içəri daxil olan hava kütləsi avtomobilin çəkisini artırır.


Xəbərə şərh yaz
Adınız:*
E-Mail:*
Şərhiniz:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Sual:*
Saytımızın adının ilk hərfini yazın
Cavabınız:*
Kodu yazın: *
yenilə, əgər kod görünmürsə
loading...
Reklam
Əsas xəbərlər