Xəbər xətti

Yazarlar

Namiq Dəlidağlı




Rublika
Arxiv
«    May 2019    »
BeÇaÇCaCŞB
 12345
6789101112
13141516171819
20212223242526
2728293031 
Sorğu

Əyyub Qiyas Anar və Ə.Əylislini Sumqayıta qonaq çağırdı: "Sizi and verirəm sevdiklərinizə, gəlin bulvarda çay içək"

Baxılıb: 4337     Tarix: 16-04-2019 13:45   
Əyyub Qiyas Anar və Ə.Əylislini  Sumqayıta qonaq çağırdı: "Sizi and verirəm sevdiklərinizə, gəlin bulvarda çay içək"

"Anarın "Daş yuxular" haqqında yazdıqlarına, nə də Əkrəm Əylislinin "Beşmərtəbəli evin altıncı mərtəbəsi" haqqında söylədiklərinə haqq qazandıra bilmirəm"

Bu fikirlər yazıçı-dramaturq Əyyub Qiyasın Anar və Əkirəm Əylisliyə yazdığı "Açıq məktub"dandı.

Sumqayitfakt.Az manevr.az-a istinadən sözügedən məktubu təqdim edir:

"Dostun düşmənə çevrilməyi ağır söhbətdir. Mən Anarla Əkrəm Əylislinin bir yerdə işlədiyi günləri xatırlayıram, Əkrəm Əylisli indi İlqar Fəhminin oturduğu kabinetdə otururdu... Yəni Anar sədr, o isə katib idi...
Mən bu iki böyük, ağsaqqal və ustad yazıçının bir-birinin paxırını açmağını müdriklikdən uzaq bir hal hesab edirəm. Bütün hallarda nə Anarın "Daş yuxular" haqqında yazdıqlarına, nə də Əkrəm Əylislinin "Beşmərtəbəli evin altıncı mərtəbəsi" haqqında söylədiklərinə haqq qazandıra bilmirəm. Ə.Əylisinin adı çəkilən romanı ədəbi fakt kimi, ədəbiyyat hadisəsi kimi heç də zəif əsər deyil, sadəcə xalqımızın mövqeyinə zidd olduğu üçün qəbuledilməzdir. Adı çəkilən roman yuxarıda dedyim kimi bütün ədəbi və sənət təriflərinə layiqdir, amma yenə yuxarıda dediyim kimi biz millətimizin mövqeyini heç bir ədəbi uğura sata bilmərik, odur ki, belə bir roman yazılmaya, belə bir mövqe ortaya qoyulmaya bilərdi. Biz Anarın "Ağ liman"ı, "Yaxşı padşahın nağılı", "Gürcü familiyası" ilə yanaşı, Ə.Əylislinin "Təhna narın nağılı", "Kür qırağının meşələri", "Mənim nəğməkar bimim"lə böyüyən nəslin adamlarıyıq. Bu gün mətbuat və sosial media adamı nəfəs almağa qoymur və bu təzyiqdə yaşamaq çətindir.
Bu gün ədəbiyyat dalana dirənib və gənclərə, yeniyetmələrə ədəbiyyatı sevdirmək çətinləşib. Bu gün iki böyük, istedadlı, millətin mənəvi pasportu olacaq ağasaqqal və ustad yazıçı, keçmiş dost, sirdaş bir-birini ittiham edir və uşaqsayağı arqumentlərlə bir-birini suçlayırsa, biz orta yaşın adamları (hələ gəncləri demirəm) bundan nə götürəcəyik... İnanın ki, hər iki yazıçıya sayğım və sevgim böyükdür. Anar mənə nə qədər doğmadırsa Ə.Əylisli də mənə o qədər doğmadır. Və qeyd edim ki, 30 il ədəbiyyatda olmağıma baxmayaraq heç biri ilə yaxın münasibətim yoxdur, amma hər ikisi sevərək oxuduğum müəllifdir. Bəlkə buvaxta qədər Anar mənim bir hekayəmi, bir məqaləmi belə oxumayıb, amma mən Anardan demək olar ki, hər şeyi oxumuşam. Elə yəqin Ə.Əylislinin də mənim kimi bir yazıçıdan xəbəri yoxdur, amma mən onu da oxumuşam və sevərək oxumuşam. Deməyim odur ki, bu iki yazıçıya məsləhət vermək, yol göstərmək həddim deyil, amma məni tanıyanlar bilir ki, həm də sevdiklərimi qorumaq kimi bir daxili missiyam var... Mən bu iki böyük kişinin mübahisəsindən sükutla keçə bilmərəm... bu, məni ağrıdır. Əlimdən başqa heç nə gəlmir, amma bura bir tribunadır həm də...
Mən Anar müəllimi də, Əkrəm müəllimi də Sumqayıta dəvət edirəm. Gücüm yaxşı süfrə açamağa çatmasa da yaxşı çay süfrəsi açmağa çatar... Mən bu iki insanı, iki döstu, sirdaşı barışdırmaq istəyirəm... İstəyirəm ki bütün umu-küsülər arxada qalsın. Çünki hər ikisinə də elə bu yaraşar. Əgər bu çağırışıma səs verməsələr təkcə mənim yox, məncə onları sevən çox adamın könlünü qıracaqlar. Əminəm ki, başda Anar olmaqla Əkrəm Əylisli də bu çağırışıma müsbət cavab verəcək. Çünki bu iki ağsaqqalın bir araya gəlməyi ilə ədəbiyyatımızın bir-birindən ayrı düşən qolları bir-birinə sarılacaq. Çünki U.Çerçilin dediyi kimi: "İki nəfərin savaşında üçüncü qalib gəlir"...
Əziz, Əkrəm Əylisli, əziz Anar! Sizi and verirəm sevdiklərinizə, inandıqlarınıza, xahiş edirəm, unudun bu umu-küsünü, gəlin Sumqayıt bulvarında pürrəngi çay içək, ədəbiyyatdan danışaq, xaitrələrinizi eşidək və Sumqayıtdan dost kimi qayıdın geri.

Mənim əzizlərim, sizdən xəbər gözləyirəm.

Sizi bağrıma basıram! Hər ikinizə sevgi və sayğı ilə,
Əyyub QİYAS"


Xəbərə şərh yaz
Adınız:*
E-Mail:*
Şərhiniz:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Sual:*
Saytımızın adının ilk hərfini yazın
Cavabınız:*
Kodu yazın: *
yenilə, əgər kod görünmürsə
loading...
Reklam
Əsas xəbərlər