Xəbər xətti

Yazarlar





Rublika
Arxiv
«    İyun 2018    »
BeÇaÇCaCŞB
 123
45678910
11121314151617
18192021222324
252627282930 
Sorğu

“İdrak” liseyi “İKT-dən tədris prosesində istifadə təcrübəsi”ni təqdim edib FOTOLAR

Baxılıb: 4177     Tarix: 07-02-2018 20:27   

“İdrak” liseyi elektron təhsil sahəsində və qabaqcıl təcrübənin yayılmasında liderdir





Bu gün Binəqədi rayonundakı 276 nömrəli tam orta məktəbdə “İdrak” liseyi tərəfindən “İKT-dən tədris prosesində istifadə təcrübəsi” mövzusunda təqdimat mərasimi keçirilib.


Sumqayitfakt.Az xəbər verir ki, tədbirdə 276 nömrəli tam orta məktəbin direktoru, Əməkdar Müəllim Bəhram Şiriyev tədbirin təşkilinə görə “İdrak” liseyinin rəhbərliyinə minnətdarlığını bildirib. Diqqətə çatdırılıb ki, “İdrak” liseyi tərəfindən özəl təhsil ocaqları ilə dövlət məktəbləri arasında qurulmuş əməkdaşlığın gələcəkdə də davam etdirilməsi vacibdir.

Qeyd edilib ki, müasir dövrdə təhsilin yenilənməsi, ümumi təhsil sistemində “yaddaş” məktəbindən “təfəkkür” məktəbinə keçid günümüzün ən vacib tələblərindən biridir. Hazırda ölkəmizdə fəaliyyət göstərən təhsil müəssisələrində tədrisin yüksək səviyyədə təşkilinə nail olmaq üçün yeni təlim texnologiyalarından və resurslarından istifadə sahəsində ən qabaqcıl təhsil müəssisələrindən biri də “İdrak” liseyidir. Yarandığı ilk gündən daim yeniliklərə və müasirliyə doğru inamla addımlayaraq yüksək nailiyyətlər əldə edən “İdrak” liseyinin daha bir yeniliyi “Media dərs” layihəsidir.

“İdrak” liseyinin təsisçisi, pedaqoji elmlər doktoru, professor Mönsüm Alışov bildirib ki, yaşadığımız qloballaşma dövrü əldə olunan rəqəmsal informasiyanı biliyə çevirib həyati bacarıq və vərdişlərin formalaşmasına nail olmağı, “öyrənməyi öyrətmək” texnologiyasına yiyələnməyi, fəal təlim metodlarını, İKT-nin səmərəli tətbiqini tələb edir. Təsadüfi deyil ki, Prezident İlham Əliyevin 2016-cı il 6 dekabr tarixli Fərmanı ilə təsdiq olunmuş “Azərbaycan Respublikasının milli iqtisadiyyat perspektivi üzrə Strateji Yol Xəritəsi”ndə ümumtəhsil sistemində “yaddaş” məktəbindən “təfəkkür” məktəbinə keçidin tələb edilməsi çağırışı məhz bu kimi vəzifələrin praktik reallaşdırılması məqsədini hədəfləyib. Liseydə İKT vasitəsilə hazırlanmış bütün dərslər “ağıllı lövhə”lərdə yazılır və liseyin yaddaş bazasında saxlanılır. Hər bir şagird onlara verilmiş xüsusi kodlarla evdə internet vasitəsilə liseyin bazasına daxil olur və istədiyi fəndən müəllimlər tərəfindən keçirilən dərslərin izahına təkrar baxmaq və dinləmək imkanı əldə edir. “İdrak media dərsləri”ndən digər dövlət təhsil müəssisələrinin şagirdlərinin də istifadə etməsinə məmnuniyyətlə kömək göstəriləcək. Bu layihədən istifadə etmək respublikamızın ümumtəhsil məktəblərində təhsilin yeni pilləsinin formalaşmasına və inkişafına töhfəsini verəcək”, - deyə M.Alışov vurğulayıb.

Sonra “İdrak” liseyinin müəllimləri müxtəlif beynəlxalq tədris proqramları üzrə dərs nümunələri və bir neçə “Media dərs” nümayiş etdiriblər. Həmçinin şagirdlərin bu dərslərdən istifadə etmələri ilə bağlı videoçarxlar göstərilib.

Respublika Təhsil Şurasının sədri, professor Əjdər Ağayev, Bakı Şəhəri üzrə Təhsil İdarəsi müdirinin müavini Hüseyn Əsgərov və başqaları bu cür tədbirlərin keçirilməsinin əhəmiyyətindən, təhsil sahəsinə olan dövlət qayğısından danışıb, “İdrak” liseyinin hər zaman mütərəqqi təlim üsulları və qabaqcıl texnologiyaları ilə seçidliyini vurğulayıblar. Qeyd edilib ki, “İdrak” liseyi elektron təhsil sahəsində və qabaqcıl təcrübənin yayılmasında liderdir.

Daha sonra M.Alışova fəxri fərman təqdim edilib.

Sonda şagirdlərin ifasında şeir və musiqi nömrələri təqdim olunub.(azertac)

Sumqayitfakt.Az






Xəbərə şərh yaz
Adınız:*
E-Mail:*
Şərhiniz:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Sual:*
Saytımızın adının ilk hərfini yazın
Cavabınız:*
Kodu yazın: *
yenilə, əgər kod görünmürsə
loading...
Reklam
Əsas xəbərlər