Sumqayıtda Aşıq Şəmşirin 125 illiyinə həsr olunmuş "Şəmşirəm, nə gözəl diyar oğluyam " adlı tədbir keçirilib » Sumqayitfakt.az
Xəbər xətti

Yazarlar





Rublika
Arxiv
«    Avqust 2018    »
BeÇaÇCaCŞB
 12345
6789101112
13141516171819
20212223242526
2728293031 
Sorğu

Sumqayıtda Aşıq Şəmşirin 125 illiyinə həsr olunmuş "Şəmşirəm, nə gözəl diyar oğluyam " adlı tədbir keçirilib

Baxılıb: 1178     Tarix: 13-05-2018 19:56   
Sumqayıtda Aşıq Şəmşirin 125 illiyinə həsr olunmuş "Şəmşirəm, nə gözəl diyar oğluyam " adlı tədbir keçirilib


Sumqayitfakt.Az-ın verdiyi xəbərə görə, Sumqayıtda yerləşən M.Ə.Rəsulzadə adına kitabxanada Aşıq Şəmşirin 125 illiyinə həsr olunmuş "Şəmşirəm, nə gözəl diyar oğluyam" adlı ədəbi-bədii gecə keçirildi. Tədbir "Dəlidağ" Ədəbi Birliyi və M.Ə.Rəsulzadə adına kitabxananın təşkilatçılığı ilə keçirilmişdir.

Tədbiri giriş sözü ilə açan kitabxananın müdiri Ofelya Qafarova qonaqları salamladı. Tədbir haqqında məlumat verdikdən sonra sözü tədbiri aparmaq üçün AYB və AJB-nin üzvü, şair-jurnalist Namiq Dəlidağlıya verdi. Namiq Dəlidağlı tədbirin mahiyyətindən və aşıq Şəmşir saz-söz sənətinin qüdrətindən danışdı. Çıxışını şairin "Oğluyam" şeiri ilə davam etdirən natiq sözü filologiya üzrə fəlsəfə doktoru Nailə Mirzəyevaya verdi. Nailə xanım aşığın həyat və yaradıcılığından bəhs edən geniş məruzə ilə çıxış etdi. Sonra aparıcı sözünə davam edərək Dədə Şəmşirin Səməd Vurğunla tarixi görüşündən bəhs etdi. Bu görüşdən yaranmış məşhur deyişmə gənc aşıq Arif Qurbanovun ifasında dinlənildi.
Ədəbi-bədii gecədə söz alan Şahlar Əsgərov Dədə Şəmşirin yaradıcılığı haqda danışdı. Professorun Dədə Şəmşirin həyatı haqdakı köhnə fikirlərə yeni yanaşmanın vacib olduğunu vurğulaması fikri maraqla qarşılandı. Bədii qiraətçilər: Mehrəngiz Qurbanova, İbrahim Qəniyev, Fəqan Cümşüdov, Nurgün Allahverdiyeva, "Aşıq Şəmşir" Mədəniyyət Ocağı İctimai Birliyinin fəal üzvü, qiraətçi Ayxan İmanov şairin şeirlərindən nümunələr söylədilər. N.Nərimanov adına Mədəniyyət mərkəzində fəaliyyət göstərən, Elməddin Məmmədlinin rəhbərlik etdiyi "Pöhrə" aşıqlar ansamblının ifasında səslənən saz havaları tədbirə rəng qatdı.Gecədə çıxış edən şairlər- Ofelya Babayeva, Xatirə Fərəcli, Məryəm Aslanqızı, Günel Eyvazlı, Milli Daşqın Ziyəddinoğlu AJB-nin Sumqayıt bölməsinin sədri, şair Rafiq Oday, "DƏLİDAĞ" Ədəbi Birliyinin sədr müavini, şairə Sevinc Qərib Dədə Şəmşirin saz-söz sənətindəki mövqeyindən, poeziyamıza və aşıq sənətinə verdiyi töhfələrdən danışdılar.

"Aşıq Şəmşir" Mədəniyyət Ocağı İctimai Birliyinin sədr müavini Həbib Misirov çıxış edərək "Aşıq Şəmşir" Mədəniyyət Ocağı İctimai Birliyinin sədri Qənbər Şəmşiroğlunun, Kəlbəcərdən millət vəkili seçilmiş, Dədə Şəmşirin nəvəsi Cavid Qurbanovun salamını tədbir iştirakçılarına çatdırdı. Tədbir haqqında fikirlərini söyləyən H.Misirov onu da qeyd etdi ki, ölkə başçısının sərəncamına əsasən hər il martın 15-i (Dədə Şəmşirin doğulduğu gün) saz-söz bayramı kimi qeyd olunacaq. İctimai Birliyin əməkdaşı Həqiqət Şükürova da çıxışında Dədə Şəmşirin 125 illik yubileyinə həsr olunmuş genişmiqyaslı tədbirlərin keçirilməsindən və bu tədbirlərin əhəmiyyətindən danışdı. Sonra Namiq Dəlidağlıya və kitabxananın müdiri Ofelya Qafarovaya "Aşıq Şəmşir" Mədəniyyət Ocağı İctimai Birliyinin təsis etdiyi "Təşəkkürnamə" diplomları təqdim olundu. Tədbirin sonunda N.Dəlidağlı qonaqlara və kitabxana rəhbərliyinə öz təşəkkürünü bildirdi.

Sevinc Qərib

































Xəbərə şərh yaz
Adınız:*
E-Mail:*
Şərhiniz:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Sual:*
Saytımızın adının ilk hərfini yazın
Cavabınız:*
Kodu yazın: *
yenilə, əgər kod görünmürsə
loading...
Reklam
Əsas xəbərlər