Xəbər xətti

Yazarlar





Rublika
Arxiv
«    May 2018    »
BeÇaÇCaCŞB
 123456
78910111213
14151617181920
21222324252627
28293031 
Ən çox oxunanlar
Sorğu

Azərbaycan siyasətinin "düşmən qardaşları": Əlizadələr, Məmmədovlar, İbrahimovlar...

Baxılıb: 272     Tarix: 29-04-2018 18:57   
Azərbaycan siyasətinin "düşmən qardaşları": Əlizadələr, Məmmədovlar, İbrahimovlar...


Siyasi gərginliyin, vəzifə tutmağın yaratdığı mühit bəzən eyni ata-ananın övladları arasında fərqli yanaşma ortaya çıxarır.

Mühafizəkar cəmiyyət hesab olunan Azərbaycanda belə hallar az deyil. Yəni siyasətin "Karamazov qardaşları” Azərbaycanda da yox deyildir.

Sumqayitfakt.Az modern.az-a istinadən Azərbaycan siyasətində "mehriban düşmən” sayılan qardaşlarla bağlı araşdırma aparıb.

Əlizadə qardaşlarının düşmənçiliyi




Öncəliklə vurğulayaq ki, Azərbaycan toplumu konservativdir. Bu mənada hər hansı qardaş arasında olan fikir ayrılığını, konfliktləri ictimai müzakirəyə çıxarmaqla yersiz qalmaqal yaratmaq niyyətində deyilik. Ancaq həmin "Karamazov qardaşları” öz mövqelərini açıq şəkildə mətbuat səhifələrində bir-birlərini ittiham etməklə sərgiləyirsə, araşdırmamızın predmeti olduğundan biz də həmin səhifələri vərəqləyə bilərik.

Azərbaycan siyasi səhnəsində sosial-demokrat qardaşlar arasında yaşanan qalmaqal vaxtaşırı olaraq gündəmə gəlib. Söhbət deputat, Azərbaycan Sosial-Demokrat Partiyasının (ASDP) sədri Araz Əlizadə ilə onun qardaşı və vaxtilə partiya silahdaşı olmuş politoloq Zərdüşt Əlizadədən gedir. Onlar arasındakı nifaq elə zaman-zaman qardaşların öz dili ilə KİV-lərdə səsləndirilir. İki doğma qardaş arasındakı söz-söhbət partiya idarəetməsi ilə bağlı hüquq müdafiəçisi Arzu Abdullayevanın hələ ASDP təmsilçisi olduğu vaxtlarda başlanıb. Belə ki, partiyanın toplantısında Araz Əlizadəyə qarşı çıxan xanım siyasətçini Zərdüşt Əlizadə müdafiə edir və bununla da qardaşlar arasında mübahisə yaşanır. Mübahisə dərinləşir və ardınca partiyadan kütləvi istefalara start verilir. Z.Əlizadə və A.Abdullayeva partiya sıralarını tərk edir. İki qardaş arasından necə deyərlər, qara pişiyin keçməsi ilə onlar arasında sanki əbədi küsülülük başlayır. İki qardaşın bir mübahisəsindən doğan küskünlük bu günə qədər davam edir. Bu inciklik fonunda isə qardaşlar vaxtaşırı bir-birinin ünvanına saytlar, qəzetlər vasitəsilə sətiraltı mesajlar ötürür, qarşılıqlı ittihamlarla çıxış edirdilər.

Qardaşların gələcəkdə bir siyasi çətir altında fəaliyyət göstərərək barışmasını bundan sonra proqnozlaşdırmaq da çətindir. Dediyimiz kimi, Əlizadə qardaşları öz aralarında barışmamaq haqqında "əbədi müqavilə” imzalayıblar. Təfərrüatlara varmaqla yazını uzatmadan digər qardaşlara keçək...

Məmmədov qardaşları dramı




Aralarından "qara pişik” keçən qardaşlar siyahısına ADP sədri Sərdar Cəlaloğlu və tanınmış hüquqşünas Qurban Məmmədov da daxildir.

2011-ci ildə ADP sədri Sərdar Cəlaloğlu qardaşı Qurban Məmmədovun Vətəndaş Hərəkatı Forumunun nümayəndəsi olaraq müxalif partiya liderlərini bir araya gətirmək təşəbbüsünü pisləyən bir bəyanat vermişdi. O, qardaşının dialoq cəhdini tənqid etməklə, onun bu təşəbbüsünü qeyri-ciddi addım sayırdı.

S.Cəlaloğlu bir müddət öncə Modern.az-a verdiyi açıqlamada demişdi: "Mən Qurbanla bir neçə ildir danışmıram. Bunun siyasətə heç bir aiddiyyəti yoxdur. O səbəbdən ki, bizim dünyagörüşlərimiz arasında kəskin fərq var. Əgər kiminləsə, dünyagörüş ortağısansa, demək həmin adam sənin qardaşındır. Mənim yanaşmam belədir. Hesab edirəm ki, məhz hadisələrə baxışın, dünyagörüşün fərqli olması siyasətdə qardaşları rəqibə çevirir”-deyə S.Cəlaloğlu qeyd edib.

Və nəhayət İbrahimov qardaşları...




Son illər mətbuat Diasporla iş üzrə Dövlət Komitəsinin sabiq sədri Nazim İbrahimovla onun qardaşı - "Avesta” konsernin prezidenti Hacı İbrahim İbrahimov (Nehrəmli) arasındakı münasibətlərə də yer ayırır.

Qardaşlar arasında münasbətlərin isti olmadığı artıq heç kimə sirr deyil.

Bunu Hacı İbrahim Nehrəmli modern.az-a açıqlamasında bir daha nümayiş etdirib:

O, Diasporla iş üzrə Dövlət Komitəsinin sədri postundan çıxarılan qardaşı Nazim İbrahimovla bundan sonra birgə fəaliyyət göstərə bilməsinin mümkün olub-olmadığı barədə suala sərt reaksiya verib:

"Xahiş edirəm, adını çəkdiyiniz şəxs barəsində mənə sual verməyin. Məndən özümə aid nə istəyirsiz soruşun, onun haqqında isə heç nə”.


Xəbərə şərh yaz
Adınız:*
E-Mail:*
Şərhiniz:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Sual:*
Saytımızın adının ilk hərfini yazın
Cavabınız:*
Kodu yazın: *
yenilə, əgər kod görünmürsə
loading...
Reklam
Əsas xəbərlər